Dende o día 13 de marzo atópase en funcionamento a sede electrónica do Concello de Salceda de Caselas á que se poderá acceder desde unha icona inserida na páxina web municipal.

Esta sede dará acceso ao portal de transparencia, ao taboleiro de anuncios electrónico, á tramitación de expedientes e ofrece a posibilidade de recibir notificacións electrónicas ás que se accederá mediante certificado electrónico.

A sede electrónica será accesible aos cidadáns todos os días do ano, durante as vinte e catro horas do día. Só cando concorran razóns xustificadas de mantemento técnico ou operativo poderá interromperse, polo tempo imprescindible, a accesibilidade á mesma.