A organización político-xuvenil do Partido Popular do Porriño, Novas Xeracións, celebrará o vindeiro 21 de abril o seu Congreso Local no que renovará o seu órgano de dirección para os vindeiros anos. Conscientes da necesidade de que as inquedanzas e propostas da xuventude teñan un papel protagonista no plano político do Porriño a formación traballa con ilusión na reactivación das Novas Xeracións co obxectivo de que a nosa xuventude participe da política activa e na xestión da administración local, en definitiva, de representar con máis forza o papel dos mozos e mozas na política municipal.

Neste sentido, o presidente dos populares, M. Alejandro Lorenzo, fai un chamamento aos mozos e mozas do Porriño para que se animen a participar en todo o proceso que desembocará no Congreso Local do vindeiro 21 de abril. Para esto, todos aqueles que queiran concurrir e presentar a súa candidatura poden inscribirse ata o próximo martes, día 17 de abril, na sede local ( Antonio Palacios 41, Entrechán).

"Como sempre defendemos os mozos son un pilar fundamental nesta etapa que se abre", apunta Alejandro Lorenzo, “Neste congreso non só se renovará a estrutura de Novas Xeracións, supoñerá a incorporación de novos novos implicados na realidade do municipio que chegan con forza para traballar de maneira conxunta co resto da formación".

I Concurso de Ideas "Qué necesita o teu pobo"

Abrindo canles de participación entre a mocidade e o resto da formación, o PP do Porriño organiza a primeira edición do concurso de ideas "Qué necesita o teu pobo, en tres minutos". No certame, que se celebrará coincidindo co congreso de Novas Xeracións, os participantes deberán expoñer as súas propostas, inquedanzas e iniciativas para mellorar O Porriño contando cun tempo de tres minutos.

Un xurado selccionará as tres mellores intervencións, que serán premiadas.