Dentro do conxunto de medidas que aos poucos se están facendo un oco dentro do sector, hai dous conceptos que sobresaen por encima do resto que non son outros que construcións “passivehause” e rehabilitación “intership”. Dúas maneiras complementarias de enfocar a construción dun inmoble desde o prisma do sustentable.

Cal é o obxectiv odesta tendencia?
O principal obxectivo que ten esta nova filosofía é crear unha atmosfera no interior do inmoble que estea controlada ao 100% desde o punto de vista da temperatura. Desta maneira, ao poder controlar a temperatura pódese controlar o consumo facendo que este se reduza dunha maneira drástica.

Un obxectivo que tamén é moi importante é o de conseguir medidas favorables para o medio ambiente. Non en balde, a eficiencia enerxética, que é o que se pretende conseguir con estas técnicas, está moi relacionada coa redución de gases que son, en esencia, nocivos para o medio ambiente.

Como se chega a eles?
O alicerce fundamental ao redor do cal vira toda esta filosofía é o de levar a cabo un deseño único e personalizado. Para iso, ademais de todo o proceso do propio deseño, téñense sempre en conta o uso dunha estrutura extremadamente lixeira fabricada en aceiro ou, tamén, madeira micro - laminada.

A partir desta base estrutural, incorpóranse outros materiais, todos eles ecolóxicos, que teñen a capacidade de illar o inmoble case de maneira total podendo lograr incluso unha eficiencia de 90%. O último paso é, como non podía ser doutro xeito, instalar electrodomésticos de tipo A+ ou superior xa que van ser estes os que contribúan de maneira definitiva ao aforro enerxético.