O pasado sábado día 28 o concello coruñés de Arteixo daba a primeira proba do campionato galego de Mini BTT, o acoller a VII MINIBTT CONCELLO DE ARTEIXO. Campionato que si non hai cambios de calendario esta composto de dezaoito probas que se disputarán o longo duns cinco meses  e onde os pequenos bikers percorrerán toda a xeografía galega. 

Os pequenos bikers achegados ata Arteixo sufriron nas súas carnes as dificultades dun circuíto de grava, factor determinante nas múltiples caídas que se produciron en toda a xornada, o transcorrer na súa totalidade por un circuíto de adestramento de motos de Enduro.

Nesta proba e como ven sendo habitual en case todas as competicións estivo presente  a Asociación Deportiva Avanza,  que estivo representada por unha trintena de corredores que non dubidaron en desprazarse os case douscentos quilómetros que separan o concello de O Porriño de Arteixo.

O primeiro podio chegaba da man de Nerea Soto, que conseguía non só dominar a súa montura de dúas rodas si non tamén a tensión e emoción da primeira proba de Mini BTT do ano, conseguindo subir o mais alto do podio na categoría promesa fémina.

Na categoría promesa masculino o biker Guillermo García conseguía o segundo posto nunha das categoría con mais participación.

Os seguintes podios chegarían das mans das féminas Uxía soto e Laura Mira na categoría infantil fémina, onde Uxía Soto conseguiu dominar a proba en todas as voltas asinando unha actuación libre de erros que a levaron o mais alto do podio, podio no que estivo acompañada pola súa compañeira de equipo Laura mira que finalizaba en cuarta posición.

Na categoría infantil masculino, compre destacar a labor de equipo, onde no transcurso dalgunhas voltas os bikers Andrés Valverde, Iván e Iker Otero conseguín rodar no grupo de cabeza onde o biker Iván foi o encargado de marcar o ritmo da Categoría infantil masculino durante algunhas voltas, e onde Andrés Valverde conseguía rematar en terceira posición, Iván sexto e Iker Otero oitavo.  

A próxima cita terá lugar no concello de Vigo, onde a entidade local menor de Bembrive colabora C.Ciclista Vigués para o o vindeiro sábado 5 de maio teña lugar a  V MINI BTT ENTIDADE LOCAL MENOR DE BEMBRIVE