A Asociación de Comerciantes e Industriais do Porriño (ACIPOR) e a Asociación de Panadeiros do Porriño confirmaron  que o vindeiro 2 de Xuño, celebraráse a IIIª Feira do Pan do Porriño.

A terceira edición deste certame consolida a exaltación do tradicional pan do Porriño que quere seguir dando pasos no proceso de recoñecemento da súa calidade e historia. Será no barrio de San Benito e comezará o venres 1 de Xuño cun Obradoiro de elaboración de productos de pan e panadería. O sábado día 2 será o día grande onde se desenvolverán as tradicionáis actividades da Feira e algunhas novidades de interese.

A Festa do Pan do Porriño terá ademáis como convidados, 8 productos artesanáis da comarca, entre os que se atopan cervexas artesanas, viños, embutidos, mermeladas, queixos, etc... Todo tipo de productos que maridan con pan.

Concurso da mellor empanada do Porriño: Empanadas no Ring

A Feira do Pan do Porriño, recuperará como unha das súas actividades do sábado día 2 a tradición da romería das empanadas que se celebraba a mediados do século XX cun novidoso formato: Empanadas no Ring. Un concurso onde cada parroquia do Porriño poderá presentar un equipo e competir co resto das parroquias pola mellor empanada do Porriño feita con masa de trigo.

Os equipos poderán ser como máximo de 5 persoas e o tribunal valorará 3 aspectos: presentación, recheo e identidade e tradición da empanada. O equipo que reciba máis puntos, será o gañador nun sistema de clasificación que enfrentará a parroquias de dúas en dúas. O espectáculo está garantizado. Os panadeiros exercerán de xurado e valorarán a mellor empanada, e terá opción ao premio. Nos vindeiros días publicaranse as bases e abiráse o prazo para poder inscribirse no certame.