Aulas Abiertas organiza unha andaina solidaria en beneficio dos comedores escolares desta agrupación sen ánimo de lucro. A actividade terá lugar o vindeiro 3 de xuño, domingo, polo Sendeiro do Río Louro, con saída ás 11.00 horas da mañá do Pazo de Mos.

Trátase dunha andaina de dificultade sinxela adaptada a familias con nenos/as. A inscrición ten un custe de 5 euros por persoa (gratis para os menores de 5 anos) e inclúe dentro do prezo auga e froita para o camiño, e un pequeño agasallo.

Os interesados en participar poden inscribirse en info@aulasabiertas.org ou chamar ao teléfono 667982306.