A décima edición Torneo IV Nacións feminino celebrarase a vindeira fin de semana, días 9 e 10 de xuño, no Pavillón Municipal de Deportes do Porriño coa participación de Cataluña, Euskadi, Galicia e Guinea. Ademais, hoxe venres, día 8, ás 8 da tarde, celebrarase un partido amigable, tamén no Porriño, contra a selección de Guinea.

Este torneo se celebra dende hai dez anos, con sedes alternas en Galicia, Euskadi e Cataluña. Á última edición celebrouse en Granollers a finais de 2016 e Galicia proclamouse vencedora, tras gañar na final a Euskadi.

O seleccionador Abel Estévez deu a coñecer a convocatoria para este torneo e o BM Porriño é o club que maior número de xogadoras aporta para a selección galega (seis) e xunto a elas estarán deportistas do Guardés, Carballal, BM Castellón, Logroño Sporting la Rioja e SAR Rodavigo.

Galicia xogará a semifinal o sábado, día 9 ás 6 da tarde contra Guinea, mentres que Cataluña e Euskadi xogarán o primeiro partido (16:15 horas). A final está prevista para o domingo, día 10 ao mediodía.