A Salvaterrense Lucía Rodríguez García, que pertence ao Clube de Bátminton de As Neves, ven de competir no  AUSTRIAN U17 Open 2018 que se celebrou entre  o 1 e o 3 de xuño en Lauterach, acadando o ouro en dobles mixtos formando parella co vigués Xacobo Fernandez, do Clube do Mar de A Coruña, e acadando o quinto lugar en individuais. A súa chegada foi recibida no Concello de Salvaterra de Miño pola 1ª Tte de Alcalde Marta Valcárcel Gómez, que salienta o traballo, dedicación e compromiso desta xove promesa do bátminton.

É a primeira vez que unha parella española logra un ouro na modalidade de dobles mixtos nunha proba do cirucuito europeo BEC sub 17, mérito ainda maior ao ter ambos só 14 anos e ser esta a primeira tempada que compiten xuntos.