A deputada de Cohesión Social da Deputación de Pontevedra, Digna Rivas, acompañada pola concelleira de Educación, Lourdes Moure, e o director do centro, Benito Rodríguez, participaba  este pasado luns no CEIP Fernández López, nunha xuntanza con alumnas e alumnos participantes no . programa "Coñece–Decide", organizado pola Fundación Érguete e financiado pola Deputación.

Este programa, coma lembrou a deputada, ten coma obxectivo o de educar ás persoas para que sexan capaces de manter unha relación responsable cos factores ou condutas aditivas.

O proxecto "Coñece–Decide" abrangue tres accións diferentes: unha, só dirixida a alumnas e alumnos dos centros educativos de Primaria e Secundaria dos concellos da área metropolitana de Vigo; outra, dirixido a pais, nais e alumnado, e unha última enfocada a clubs deportivos.