"O Goberno Municipal do Porriño continúa facendo unha política en contra dos intereses dos cidadáns para beneficiar a empresas privadas, gastando o que non ten e endebedando ao Concello" explican dende o PP local.

"Pese ao elevadísimo e inxustificado gasto en desbroces e limpeza viaria, máis de tres millóns de euros que están a ser investigados xudicialmente, a coalición PSOE-UDDL segue apostando pola privatización destes servizos, contratando empresas privadas a para a limpeza e mantemento dos viais municipais, mentres o persoal propio e a maquinaria municipal está parada e sen funcións. A barredora e o tractor propiedade do Concello permanecen aparcados mentres os porriñeses e porriñesas pagamos para que empresas privadas dispoñan a súa maquinaria e persoal  para estes traballos" aseguran.

Para os populares "chama a atención a incapacidade do Goberno do Porriño para optimizar e xestionar os recursos propios e públicos escudándose na loita contra lume e a prevención. Mentres se vacían as arcas municipais pagando a empresas privadas, o executivo PSOE-UDDL renuncia ás axudas autonómicas que lles corresponden para a  defensa contra os incendios forestais. En base ao convenio subscrito entre a Consellería do Medio Rural e as entidades locais de Galicia, o Concello do Porriño podíase acoller a tres axudas non só para facer frente ao lume, sobre todo para traballar en materia de prevención. Pese a ser informados dende a propia consellería, o goberno do Porriño renunciou a solicitar ningunha das tres modalidades que oferta este convenio. Dixo non a incorporar un vehículo motobomba, dixo non aos fondos para realizar tratamentos preventivos e, o que máis sorprende, dixo non aos fondos para contratar tanto ás brigadas de intervención e extinción, como ás de prevención, para rozas e desbroces.  En definitiva, dixo non a unha máis barata, eficaz e eficiente  para seguir engordando o desmesurado e inxustificable gasto en desbroces e limpieza viaria en favor de empresas privadas".