O alcalde de Tui, Carlos Vázquez Padín, comparecerá hoxe ás 12h no salón de sesións da casa do concello de xunto ao delegado territorial da Xunta, José Manuel Cores Tourís, e o xefe territorial de infraestruturas, Fausto Núñez, para anunciar a licitación da construción da rotonda na estrada Po-404 en Guillarei que dará acceso á Veiga do Louro, que mellorará a seguridade vial na zona e satisfará unha vella demanda veciñal.

O pasado 30 de abril a Xunta publicou no Diario Oficial de Galicia (DOG) a aprobación do expediente de información pública e o proxecto de construción desta glorieta cun investimento de máis de 316.000 euros.