A práctica de ioga uniu a máis de trinta alumnos e profesoras do Baixo Miño a carón do Río Miño, en Goián para celebrar o Día internacional do ioga.

Organizado polo Centro de Yoga Almiña de Goián, a clase conxunta correu a cargo da directora do centro, Pilar Díaz Fentanes ( Hari Manit Kaur) e Sam Durga Devi, profesora no Rosal, unha cita pensada para divulgar os beneficios da práctica do ioga.

 A sesión comenzou ás 11 da mañá e os asistentes tiveron ocasión de experimentar a meditación con mantra e de coñecer as distintas modalidades de ioga, hatha ioga e kundalini ioga . A clase rematou con música en directo a cargo de Pilar Díaz , un baño de Gong, un instrumento que favorece a relaxación coa que rematan todas as clases. Todo o necesario para que os participantes poideran sentir un profundo benestar.

Se che interesa coñecer e practicar ioga , o próximo domingo 1 de xullo na Alameda da Guarda celébrase o Día Internacional desta disciplina, un evento  organizado polo centro de Yoga Awen.  Poden acudir todalas persoas interesadas en coñecer o ioga .  So hai que levar esterilla ou toalla.