CUPRA levou o e- Racer ata un circuíto de velocidade en Zagreb (Croacia), co obxectivo de probar por primeira vez en rodaxe a integración das baterías eléctricas co resto do vehículo.

Todos os sistemas eléctricos, electrónicos, de batería, refrixeracións e propulsión probáronse por separado. Na pista de Zagreb, integráronse por primeira vez todos os elementos e puxéronse a rodar, cunhas sensacións moi optimistas para o equipo de CUPRA.

As condicións da pista, debido á calor durante as xornadas de test, confirmaron que o CUPRA e- Racer está preparado para afrontar os retos en competición. Do primeiros test extraéronse conclusións moi positivas.
A batería deste turismo de carreiras 100% eléctrico, está formada por 6.072 pilas cilíndricas, o equivalente á batería de 9.000 teléfonos móbiles. Con estas cifras, a autonomía do e- Racer fai que sexa perfectamente competitivo para afrontar carreiras do novo E- TCR (Campionato de Turismos Eléctricos).