En febreiro do 2017 finalizaban as obras de dotación de beirarrúas do tramo comprendido entre Maderas Iglesias e San Campio, na parroquia de Pontellas, xestionadas e proxectadas polo Goberno Municipal do Partido Popular en resposta á demanda dos veciños e veciñas de San Andrés, San Campio, Centeáns e Quintenla co fin de aumentar a seguridade vial da veciñanza que cada día transita por este tramo así como dos centos de peregrinos do Camiño Portugués que escollen a diario esta vía como alternativa á vertente oficial que atravesa o Polígono Industrial.

Agora, un ano despois, de que o actual executivo adxudicase e executase estas obras, as novas beirarrúas, que abranguen un tramo duns 2 kilómetros, o PP denuncia que "atópanse deterioradas e co pavimento levantado, supoñendo unha verdadeira carreira de obstáculos e un evidente risco de caída para os transeúntes".  

 

"A dotación de beirarrúas no tramo comprendido entre Maderas Iglesias e San Campio foi xestionado e proxectado polo Goberno Municipal do PP para garantir a seguridade vial nun tramo altamente transitado por peóns" explican

 

Dende o PP do Porriño reclaman á Concellería de Vías e Obras "que proceda, de xeito urxente á reparación do firme destas beirarrúas, así como a pertinente reclamación á empresa adxudicataria das obras. O proxecto foi adxudicado a Obras Reformas e Saneamentos SL por un importe de 173.967,80 euros con cargo ao Plan Concellos 2015 da Deputación de Pontevedra, tendo vencido recentemente o prazo de 12 meses de garantía".  "A reparación das beirarrúas neste tramo é unha actuación esencial para garantir a seguridade vial", abunda M. Alejandro Lorenzo, "Centos de persoas transitan a diario por este tramo, sobre todo no verán cando aumenta notablemente a afluencia. Estas reparacións deben acometerse de xeito urxente e reclamar as correspondentes responsabilidades á empresa encargada de levar a cabo estas obras".