O BNG de Mos lamenta que "dende hai tempo estase a sofrir no noso concello a existencia de varios puntos onde tanto empresas coma particulares deixan sen control os residuos que xeneran. Realmente é lamentable o espectáculo de ver moreas de lixo acumuladas".

"O incívico do comportamento de algúns, non é excusa para non actuar. E o goberno do PP está deixando de lado o loitar contra este tipo de actuacións irresponsables" manifestan os nacionalistas.

O goberno "debe actuar de xeito urxente para tomar medidas e evitar eses verquidos incontrolados. A vixilancia é primordial para acabar con todo ese noxento espectáculo" engaden.

"O custe para o concello é moi grande, xa que a recollida ten que facerse por una empresa que logo separe o que se tirou de mala maneira. O pouco civismo dunha minoría o pagamos entre todos e é responsabilidade do goberno do PP"  aseguran.