"O voto negativo que deu o Bng de Mos na votación do Plan Xeral, vese cada día como a postura máis axeitada ante ese desastre" sinalan os nacionalistas mosenses nun comunicado..

Unha das denuncias que fixo o Bng , era que "non se melloraban os anchos dos viais, e que inclusive estreitábanse máis. Temos casos tanto en núcleos rurais coma en zonas urbanas".

Dende o BNG explican que coma "exemplo desta desfeita, é a licenza concedida na vella Estrada da Vía, na zona de Peinador. Alí pódese ver una obra nunha vivenda, que está a facer una parede a rente do vial. Algo que sorprende e salta á vista que non é normal. Pero conta con licenza municipal. Eso quere dicer que o retranqueo e o ancho dese vial é un desastre, e nin tan sequera respectou o que tiñan xa algunhas das vivendas".

"No intre da votación do plan xeral, xa foi avisado o goberno e aqueles que votaron a favor, pero aquí se ven as consecuencias" explican os nacionalistas.

Para o pleno deste mes, e ante a denuncia dos vecinos e veciñas da zona de Peinador, ábrese a investigación para determinar onde acababa o terreo do tranvía, que se consideraría coma municipal, para así poder deixar a licenza sen valor.

Pero o BNG advirte que "o dano está feito, e a ver quen lle tira agora esa obra, de seguro que o PP non, o gobernó só sabe mirar para outro lado"

O BNG tamén responsabiliza ao PP dun Plan Xeral no que "en vez de facer uns viais pensando no futuro, máis anchos e con máis espazo para as persoas, debuxáronse 'corredoiras'".