A secretaria xeral da Igualdade, Susana López Abella, reuniuse esta semana coa alcaldesa do concello de Mos, Nidia Arévalo, para abordar a colaboración entre a Xunta e o goberno local en materia de igualdade e violencia de xénero, e coñecer de primeira man os programas municipais.

O concello de Mos conta cun Centro de Información á Muller (CIM) que funciona desde 2017, e no que a Xunta colabora no seu financiamento. Desde a súa entrada en funcionamento, o CIM está funcionando cun alto rendemento e prevese reforzar este servizo para atender á súa demanda.