Segundo o Grupo Municipal Socialista "o goberno de Mos publicitou dende 2016 con diversas noticias na prensa e nas redes sociais o inminente proxecto de rehabilitar a antiga escola unitaria de Louredo como ludoteca, despois de moitas solicitudes dende o Partido Socialista para adicar estas instalacións para unha posible gardería. Rexeitaron a proposta socialista pero o Partido Popular tampouco está cumprindo coa alternativa que propuña".

"En 2016 publicaron a adxudicación das obras e o comezo das mesmas, e anunciaban que Louredo contaría cunha nova ludoteca en abril de 2017. Ano e medio despois as instalacións aínda non se inauguraron e segue sen prestar o servizo para o que se rehabilitou" sinalaron dende o PSOE.

Dende o Partido Socialista critican que "unha vez máis o Partido Popular está enganando a veciñanza con promesas incumpridas". A súa portavoz, Patricia Pérez, expresa outra vez "preocupación por estas instalacións xa que se non se inauguran e comezan a usarse deterioraranse ata volver a estar coma hai dous anos, nun estado claro de abandono. Recrimínalle a rexedora mosense o abandono o que somete as propiedades municipais e recórdalle que a súa labor é xestionar os bens que ten o concello antes de vender fume con proxectos que non atenden as necesidades da veciñanza de Mos".