Movemento Oia, denuncia o "lamentable estado en que se atopa o saneamento en Oia, a pesar de realizarse hai apenas 8 anos, a finais do ano 2010 cando entrou en funcionamento. Investiuse mais de 1 millón de euros, nunha rede de saneamento que non funciona correctamente xunto cunha serie de supostas ou falsas depuradoras que nunca estiveron en normal funcionamento, e que lle xera uns gastos moi importantes ao Concello, que lle privan de dedicar ese diñeiro a outros asuntos de maior interese".

"Xa cando se estaba facendo a obra, se dicía que fronte ao mosteiro, o bombeo daría problemas porque non hai pendente, e efectivamente enfronte do Mosteiro, o porto e a praia, atáscase asiduamente o colector provocando unha imaxe lamentable. O Concello recepcionou e asumiu unha obra que non está ben feita, e onde entre outras cousas o diámetro dos colectores non se corresponde co previsto no proxecto" aseguran. 

Dado que a rede de saneamento discorre neste caso polo camiño de Santiago portugués dá costa á altura dun Monumento BIC, cremos que é necesario que se tomen medidas para evitar que continuamente se atasque nese punto negro.

"Coñecemos cales son os problemas técnicos, que ocasionan que un día si, e outro tamén os operarios do concello teñan que ir coa motobomba para desatascar o colector e limpar o lugar" explican. 

Obviamente pode ser o problema dos bombeos na zona, o diámetro do colector ou o deposito previo á estación de bombeo que tamén desborda cara ao porto cando falla a estación. 

Asegurna que "é necesario reclamar as responsabilidades de quen fixo a obra no seu momento con fondos europeos, por que os veciños e Movemento Oia reclaman unha solución urxente, pois desatascar continuamente os bombeos pódelle saír máis caro ao concello que arranxalo dunha vez para que non volte a ocorrer".

"Non só o Mosteiro esta que cae, a imaxe que dá o Concello neste punto é penosa para os turistas e os peregrinos que viaxan por este tramo do camiño. De nada serve gastarse unha chea de cartos en paneis e monólitos informativos sen solucionar os problemas da veciñanza" indican. 

Tamen aproveitan a ocasión para lembrar que o" pleno solicitou por unanimidade a Instancia declaración de conxunto histórico artístico vila mariñeira, de Movemento Oia, presentada través do concelleiro do grupo mixto xoán lois vila. Para que o Concello solicite a declaración de conxunto histórico artístico". 

"Solicitamos á alcaldesa que cumpra coa decisión tomada polo pleno e apoiada por todos os partidos políticos e que curse canto antes a correspondente solicitude ou encargue os estudos ou informes necesario para que a instancia sexa aprobada pola Xunta. Isto permitirá acceder a subvencións que permitan poñer en valor toda a contorna entre outras cousas solucionar este problema en concreto".