A partires da vindeira semana ábrense os prazos de inscricións para as próximas actividades deportivas que se levarán a cabo no Concello da Guarda.

Por unha banda o mércores 12 de setembro se abre o prazo de inscricións para o Curso de Pilates, unha actividade deportiva que se levará a cabo os martes e xoves de 19:00h a 20:00h e que terá un custo mensual de 28,50€.

Do 10 ao 28 de setembro estará aberto o prazo de inscricións para as Escolas Deportivas de Patinaxe e Baloncesto que se imparten na Guarda a través da Deputación de Pontevedra. O horario previsto para as Escolas de patinaxe é os luns de 17:00h a 19:00h, unha hora por grupo.  O horario previsto para as Escolas de baloncesto é os venres de 16:00h a 18:00 h tamén unha hora por grupo.

Toda a información e inscricións sobre estas actividades facilitarase na OMIX da Guarda, no teléfono 986 61 0000 ext.1015  ou no enderezo electrónico: informacion@aguarda.es