GañaMós continúa coa súa xira por Mos, parroquia a parroquia, facendo xuntanzas coa veciñanza e poder así “escoitar os problemas ou inquedanzas das veciñas e vecinos”.

Despois de Petelos, Sanguiñeda, Louredo e Tameiga, en setembro a asemblea veciñal recala en Dornelas. Así a vindeira Asemblea Aberta de GañaMós celebrarase no local da asociación de veciños de Dornelas (antiga escola unitaria) o xoves 20 de setembro ás 20:30h.