A Xunta de Galicia impulsa a formación dos grupos de emerxencias para o manexo da aplicación remota do sistema de xestión de emerxencias de Galicia co fin de incrementar o fluxo de información entre os equipos de intervención e favorecer a súa integración nunha única plataforma dixital para o tratamento de calquera situación de urxencia.

Así llelo trasladou o director xeral de Emerxencias e Interior, Luis Menor, aos membros dos grupos de emerxencias que esta semana se deron cita nas instalacións do Centro Integrado de Atención ás Emerxencias de Galicia, en A Estrada, para iniciar a formación necesaria para o control e uso dunha ferramenta coa que se pretende avanzar na dinámica de cooperación á hora de afrontar unha situación de crise.

 

Deste modo, o CIAE 112 Galicia verá incrementadas as súas capacidades de xestión e seguimento en situacións de urxencia

 

Deste modo, o CIAE 112 verá incrementadas as súas capacidades para a xestión e seguimento das emerxencias mediante a axilización das comunicacións e o intercambio constante de información relevante para o tratamento e resolución destas situacións.