El alcalde de Tui Carlos Vázquez Padín lle explica nesta misiva o ocorrido o pasado 23 de maio na parroquia de Paramos relatando polo miúdo o alí acontecido e as gravísimas consecuencias que tivo para os veciños da zona.  Detalla na mesma que houbo dous falecidos, 30 vivendas quedaron totalmente destruídas, 50 teñen graves desperfectos e 60 están afectadas na súa estrutura o que supón un número de 290 vivendas afectadas en maior ou menor medida.  Tamén relata na mesma que 700 veciños se viron gravemente prexudicados. As infraestruturas da zona tamén se viron afectadas , camiños, instalacións de canalización de auga potable, saneamento, tendidos eléctricos e telefónicos etc..

Trasládalle  á ministra que o proxecto de desentullo, encargado polo concello de Tui, xa foi presentado na subdelegación de goberno e esa subdelegación o remitiu ao ministerio. Tamén lle explica o alcalde nesta misiva a necesidade que teñen os veciños de que os traballos para o desentullo comecen canto antes para poder iniciar tamén as obras de reconstrución, construción e reforma das vivendas. Exponlle tamén que esta urxencia ven dada xa que o desentullo é un paso imprescindible para seguir avanzando na reconstrución da zona e normalización da vida dos veciños afectados, engadindo ademais o problema da climatoloxía xa que a chegada do mal tempo vai complicar aínda máis todos estes traballos.

Por todo isto lle solicita unha entrevista na que poder tratar persoalmente este asunto.