Ao longo desta fin de semana do 05-07 de outubro, tivo lugar o campionato de España por Autonomías, cita a que a Federación Galega acudiría cunha gran representación.

Realizou unha destacada actuación o equipo masculino absoluto, do que formaba parte o padexeiro do Penedo Teimporta Jorge Gándara Fernández, finalizando o torneo en 5ª posición.

O resto de equipos, conseguiron voltar todos cun metal; o equipo masculino sub 16 foi segundo, o equipo masculino sub 21 foi terceiro e, realizando un torneo sensacional, o equipo femenino absoluto foi campión de España. As padexeiras do Penedo Teimporta, Laura Fernández, Tamara da Concepción Cruces, Eva Ara Giráldez e Mónica Fernández competiron de xeito maxistral nas filas da Federación Galega de Piragüismo obtendo este gran triunfo para coroar esta tempada 2018.