CxG solicita de Gonzalo Caballero, secretario Xeral do PSOE galego e Candidato á Xunta, unha "manifestación pública en defensa dos intereses de Galicia que desautorice a manifestación do Ministro de Fomento no relativo á posibles peaxes na totalidade das autopistas, cómpre que un candidato á Xunta que se auto proclama xa case Presidente defenda Galicia por riba de intereses partidarios".

“Esta forma de goberno 3.0, do actual PSOE, é unha irresponsabilidade. No relativo a Galicia, poñer peaxe en todas as vías de entrada e saída cara Portugal, Asturias ou Castela, supón na práctica un suicidio xa non para as nosas empresas senón para futuros asentamentos de industria e emprego” subliñou Piñeiro Docampo, líder dos galeguistas.

"Cando o PSdG está a prometer a transferencia da AP-9 o número dous do PSOE está a falar de gravar un novo imposto á clase traballadora, unha medida para nada socialdemócrata. Compromiso non comparte para nada o mensaxe do PSOE de que as cousas non poden ser gratis total e de que se paga con impostos de persoas que non as utilizan. Acaso non ocorre o mesmo coa sanidade e coa educación? Ese é o principio de solidariedade que ten que ser inviolable, e moito menos por un goberno que se di de esquerdas" sinala nun comunicado.

"As exportacións galegas, dependen en moita medida da saída por estrada, nalgún caso como Asturias a única posibilidade e a autoestrada, esta decisión sería xa o tiro de gracia para a economía galega" indica.

“Gonzalo Caballero debe defender a identidade propia de Galicia e a nosa singularidade, pola posición xeográfica e a dependencia da relación por autoestrada. Se non ten arrestos para facer rectificar ó Ministro, será cómplice de esta grave medida lesiva para os intereses de Galicia” apuntou Piñeiro Docampo Secretario Xeral de CxG.