O Partido Popular de Salceda de Caselas explica que "segue a dar voz aos veciños e veciñas do municipio, e agora máis ca nunca". Con esa intención vai percorrer as sete parroquias do Concello "a partires de hoxe xoves co obxectivo de escoitar e recoller as súas inquietudes e propostas de cara a mellorar o eido rural". A primeira cita será - hoxe xoves-, no Centro Cultural de Picoña, ás nove do serán (21h). Un encontro aberto a todo a veciñanza desta parroquia salcedense.

A estas reunións informativas, nas que tamén se van tratar temas como a recollida de lixo, investimento municipal non rural, as propiedades do Concello nos barrios e o seu estado, o transporte, a mellora dás comunicacións ou os proxetos que precisa o Concello en xeral, acudirá o PP coa intención de “construír” e “detectar” as necesidades reais do barrio “para traballar no que realmente interesa e preocupa aos veciños e non en outras iniciativas que non son prioritarias para o pobo”, explica o voceiro popular, Santiago Rodríguez Davila.

Á cita en Picoña seguiralle a da parroquia de Budiño, o luns vindeiro, día 26 de novembro, tamén ás nove do serán (21h). O martes 27, á mesma hora, os Populares van visitar o Centro Cultural de Entenza; o mércores 28, estarán no de Parderrubias, e o venres, día 30, en A Feira. En total nove encontros veciñais previstos para este mes de novembro e a primeira semana de decembro aos que lle seguirán outros moitos máis sempre cos veciños como protagonistas.

“Salceda, un pobo con voz e futuro”

Dende o PP salcedense, queren manifestar "a necesidade de converter Salceda nun pobo de referencia na comarca de A Louriña, e para iso é necesario dotar ao municipio de servizos como a demandada Biblioteca municipal, o Centro de Día, un mellor transporte ou tamén a construción do primeiro tramo do Viario do Caselas".

E dende o punto de vista económico "é imprescindible un plan urbanístico que de confianza ao tecido empresarial responsable de xenerar traballo para os xóvenes. Só así, as familias elixirán Salceda de Caselas para construír a súa vivenda". “Salceda e un pobo con moito futuro e nese camiño imos a traballar, sempre da man dos nosos veciños”, conclúe Rodríguez Davila.