O Centro Integrado de Atención ás Emerxencias (CIAE) 112 Galicia tivo constancia do suceso sobre as 07:30 horas desta mañá, grazas ao aviso dun particular que chamou para pedir axuda.  Indicaba que se acababa de producir unha saída de vía ao pasar a peaxe da AP-9, ao redor do punto quilométrico 177, en Rebordáns, na localidade de Tui. Aseguraba, ademais, que o turismo se precipitara dende o viaducto.

Así,  con estes datos, o 112 Galicia  alertou decontado ao 061-Urxencias Sanitarias, aos axentes de Tráfico, da Policía Local e aos Bombeiros de Baixo Miño. De igual xeito, informouse da situación ao persoal do servizo de Control  de  Autoestradas.

Os profesionais sanitarios confirmaron que o estado dos seis feridos trasladados era estable.