A Consellería  de Educación, Universidade e Formación Profesional publicaba esta semana no Diario Oficial de Galicia a resolución das axudas dirixidas a escolas de música públicas e privadas dependentes de institucións sen ánimo de lucro, convocatoria á que este ano se destinaron case 390.000 euros, un 30% máis ca en 2017. Un total de 22 entidades da provincia de Pontevedra reciben este apoio económico, que vai destinado a subvencionar o funcionamento tanto das escolas de música dependentes dos Concellos como das asociacións ou fundacións sen ánimo de lucro. No total de Galicia reciben axudas 55 escolas.

A Escola de Música de Mos, que centraliza a súa actividade no Centro Dotacional de Torroso, recibirá unha axuda de 12.803,70 euros despois de que presentasen a solicitud para escolas de música dependentes de asociacións ou fundacións sen ánimo de lucro.