A concellería de Xuventude do Concello de Gondomar, dirixida por Nuria Lameiro oferta da través do Programa TECENDO LAZOS 2018  da Deputación de Pontevedra  o obradoiro RISA e MOVEMENTO.

Con este obradoiro entrelázase a risoterapia có movemento. O riso permite enfrontarse aos obstáculos diarios dende perspectivas máis creativas e nos axuda a sentirnos mellor. Por iso dende o Concello nos parece unha experiencia moi interesante para compartir en familia e durante as datas do Nadal este obradoiro.

A proposta dende o Concello de Gondomar e que  os día 24,26,27,28,31 de decembro e 2,3,4 de xaneiro en horario de 11:00 a 13:00 poñamos en marcha este obradoiro. Poderán participar todos e todas as interesadas que teñan entre 6 e 99 anos. O interese desta actividade e que participen pais/nais; nenos/as, mozos/as, avós/avoas e desfruten dun rato en familia e coa risa por bandeira.  

Para poder participar deben cubrir unha solicitude, poden descargala na páxina www.concellodegondomar.gal ou na  OMIX, aportando Fotocopia DNI e volante empadroamento e presentar esa documentación no rexistro do Concello de Gondomar. Tedes de prazo para realizar a solicitude dende o 20 de novembro ata 10 de decembro do 2018.