XII Belén de Herville e Exposición de Beléns do Mundo

O Belén de Herville é unha montaxe tradicional, feita a man na súa totalidade, que ocupa uns 85m2 e que ten unhas 300 figuras de cerámica e resina.Cada ano varíanse as estructuras e incorpóranse novas pezas, polo que non deixa indiferentes aos visitantes que cada ano acuden a velo. Nel está reprentados diferentes momentos da vida da Virxen e San Xosé, como son: a anunciación, a voda de Xosé e María, a negativa que lles dan na pousada, e Nacemento de Xesús no portal de Belén. E coma sempre aparecen representados moitos dos oficios e mercados da época.

Este ano, coma novidade montaron en paralelo unha Exposición de Beléns do mundo. que conta con unhas 100 representacións traídas de 20 países: Bangladesh, Ghana, Venezuela, Holanda, Suiza, Hungría, Alemaña, Palestina, Filipinas, Vietnam, Israel Austria, Portugal, Xapón, Kenia, Perú, República Checa, Italia e España. Trátase dunha magnífica colección na que se poden ver formatos e materiais de construcción moi variados, desde barro ou madeira até cristal ou metal, pasando por cerámica, pedra, papel, porcelana ou fibras vexetais. Conta con creacións moi singulares, como poden ser o conxunto vietnamita feito en papel, os de Portugal tallados en cuarzo ou feitos empregando materiais tan diversos coma unhas pinzas da roupa ou uns parafusos, ou o de Ghana que está feito de fibras vexetais.

Esta colección é un interesantísimo documento etnográfico, antropolóxico, artístico e de intensa carga simbólica, que á súa vez reflicte a cultura propia dos lugares nos que cada peza foi creada.

Para visitar o Belén de Herville e a exposición de Beléns do Mundo, as persoas interesadas poden facelo ata o 13 de xaneiro de 2019 no Centro Cultural de Herville (Mos).

Horarios de visita: