O Concello de Nigrán está actualmente a desenvolver obras de mellora do alumeado público na parroquia de Chandebrito por valor de 38.926 € (Pracíns, Barreira e Rúa Igrexa). Ademais, nunha segunda fase e tras soterrar o cableado, o Concello acondicionará o núcleo rural da rúa da Igrexa sustituíndo o firme de aglomerado actual  por adoquíns de pedra, obra cun custe de 60.350 € que ten como obxectivo destacar o valor etnográfico da contorna e, ao mesmo tempo, manter e conservar os viais. Estos dous traballos forman parte do Plan Concellos 2016 e 2018 e estarán finalizadas a inicios de ano. 

En concreto, o Concello instalará novos puntos de luz LED e novos báculos de aceiro inoxidable no Camiño da Igrexa, Barreira, Pracíns e o núcleo da parroquia, toda ela cun alumeado deficitario de vapor de sodio e xa moi anticuado. Tal e como xa se fixo en todo o centro urbano, a nova medida suporá reducir a potencia de consumo entre o 51 % e o 80 %, o que ao mesmo tempo implica diminuír as costas de funcionamento das instalacións de alumeado público e, sobre todo, permitiralle ao Concello optimizar o gasto enerxético neste ámbito. "Supoñen tamén un cambio de imaxe, xa que sustituirán aos vellos postes de madeira e o cableado irá soterrado, tal e como se está a facer en tódalas obras novas", indicide o alcalde, Juan González.

 A maiores, o Concello sustituirá o aglomerado asfáltico do núcleo de Chandebrito (rúa da Igrexa) por adoquín de pedra, mantendo así unha completa sintonía coa contorna e preservando o seu valor etnográfico de aldea tradicional única en todo o municipio. Estas obras, a cargo de Sixteca 2016, terán lugar unha vez concluídas as do alumeado e estarán finalizadas a inicios de ano. "Con este cambio de firme queremos potenciar o valor patrimonial desta contorna única en Nigrán e, ao mesmo tempo, desenvolveremos iniciativas para dala a coñecer", explica González.