O vindeiro domingo 16 nun acto aberto a todo o público, o Partido Socialista de Mos presenta oficialmente a súa candidata para as vindeiras municipais a alcaldía mosense, Victoria Alonso. O acto contará coa presenza de David Regades, Carmela Silva e Gonzalo Caballero e será ás 11:30 horas no Multiusos das Pozas.

Victoria Alonso que se postula para os próximos comicios afirma que "o acto do vindeiro domingo será a primeira toma de contacto coa veciñanza, onde poderán escoitala e presentará algunha das súas ideas". Engade que "convida a todas as veciñas e veciños a que participen desta nova etapa na que o obxectivo será que o concello cambie de mans".

Dende a organización do PSOE de Mos invitan "a todas as veciñas e veciños, con independencia das súas ideas e cores políticas, a coñecer a súa candidata, para que así poidan tomar decisións dende unha posición obxectiva".