Caballero valorou a manifestación da tarde de onte xoves, convocada polos profesionais sanitarios da cidade e con saída no PAC de Pizarro, no antigo hospital Xeral. 

"A cidade de Vigo saíu á rúa para demandar mellor sanidade, mellor atención primaria e mellor atención hospitalaria", asegurou o alcalde. Esta saída "masiva" -cifrada en 37.000 manifestantes- revela para Caballero que "xa é hora de que a sanidade en Vigo mellore". 

Abel Caballero quixo facer un recoñecemento expreso aos profesionais sanitarios que convocaron a manifestación, que "defenden á cidade e aí sempre estará o alcalde de Vigo", e anunciou a súa presenza na concentración prevista para o próximo 24 de xaneiro.