A concellería de Deportes do concello de Ponteareas ven de resolver a adxudicación da totalidade da subvención para agrupcións e clubs deportivos sen ánimo de lucro.

Vintetrés clubs recibirán un total de 50.000€ ao incrementar nun 25% a partida destinada para contribuir nos gastos dos clubs que fan posible que a cidadanía dispoña dunha ampla oferta deportiva.

Benito Márquez, concelleiro de Deportes, explica que por cuarto ano consecutivo o concello amosa o seu compromiso estable cos clubs deportivos e reforza este apoio co incremento de 10.000€ máis respecto ao total da subvención do ano anterior.

Esta subvención da cobertura a un amplo abanico de modalidades que van desde o patinaxe, o fútbol, a montaña, o baloncesto, o ciclismo, a natación, o billar, o xadrez, o bádminton, a petanca, o tenis ou as artes marciais.

 

A concellería de Deportes aumentou nun 25% o total da subvención

 

Dende os 466,94€ do club de petanca El Parque aos 5.000€ adxudicados ao Vila do Corpus pasando polos 2828€ do Bádminton Ponteareas, os 1587,61€ do Xinzo CF ou os 4069,08€ do Club Natación Ponteareas.
Márquez adianta a súa intención de seguir fornecendo as axudas para o deporte e de traballar de xeito participativo con todos os clubs e agrupacións para o bo desenvolvemento das actividades e servizos que ofrecen.

"Por cuarto ano consecutivo sacamos adiante subvencións para tódalas entidades deportivas da vila, sexa cal sexa a súa modalidade. É importante que todas estas entidades teñan claro que o concello lles axudará ano a ano e non só en eleccións, para que poidan saber con qué axuda van contar na tempada e poder así desenvolver e organizar mellor as súas actividades. Isto é o que viñemos facendo e é o que continuaremos facendo", indicou Benito Márquez, concelleiro de Deportes.