Dende Gañamos denuncian que a rotonda que se está a construir na saída da A55 en San Eleuterio ten varias “deficiencias”, segundo explican  Cristóbal López e Román González un comunicado de prensa.

“A rotonda carece na súa totalidade de beirarrúas transitables e nin un só paso de peóns” ademáis “os desmontes están sen asegurar” e “os vieiros que entroncan chegan cun trazado moi forzado sendo un risco para a seguridades vial pola súa sinuosidade e cambio de rasante” explican.

Dende a formación independente preguntaron último pleno por estas deficiencias e por as accións do goberno municipal para solucionalas inda que aseguran que “unha vez mais obtivemos a calada por resposta, desentendéronse do asunto alegando que era competencia de Fomento. Como se Arévalo non bendecira o proxecto hai 5 anos cando o presentou, como se nestos 5 anos transcorridos o goberno municipal non poidera ter feito alegacións solicitando unha mellora das prestacións de dito distribuidor de tráfico”.

Por último lembran que “hai cinco anos, tamén anunciaron, Arévalo e Pastor, melloras no propio trazado da autovía para reducir a sinistralidade e non foron realizadas. Toda a actuación limitouse, a parte da rotonda de San Eleuterio, a alongar tres carrís de entrada ou saída”.