“Xa que se está a falar de competencias é lóxico ir facendo propostas concretas para que non queden sen tratar, temas que son propios de Galicia e que precisan medidas concretas, neste senso vai a proposta de ter o carné de conducir ós 16 anos” sinalo Piñeiro Docampo, secretario xeral dos Galeguistas.

CxG ven mantendo xuntanzas con colectivos e organizacións para coñecer de primeira man as necesidades do País. Nese marco e partillando da necesidade co gremio das autoescolas enmarcamos esta proposta.  Reclamar as competencias en materia de tráfico e de formación vial, e regular en Galicia unha modalidade de permiso de conducir ós 16 anos. "Con particularidades, que sexa vinculado a unha oferta de traballo, a unha necesidade de formación e tamén a un itinerario profesional formativo que pode servir o sector da autoescola como complemento de negocio na calidade de orientador laboral" explican.

"Fundamentase esta proposta na realidade de que moitos mozos e mozas de Galicia teñen que facer moito desprazamento para a súa actividade laboral ou formativa, e a resposta da Xunta na relación a transporte soamente é válida nas zona das Cidades" ademáis indican que  "esta é unha realidade propia de Galicia por iso é importante reclamar esta competencia e despois dende a Xunta reflexar esta necesidade que ademais fará a Galicia máis competitiva.

Por último sinalan que "en Alemaña e Francia  xa é posible, polo que entendemos que en Galicia coa nosa necesidade e particularidade é xustificado esta variación".