O convidado desta nova entrega de Hoxe con Manquiña sabía dende moi novo que quería ser policía, tiña moi claro a súa vocación, pero o que non sabía nin por asomo era que ía ser unha das pezas máis importantes para axudar a cambiar e modificar o imperio da droga e tabaco de contrabando. Falamos de Enrique León, excomisario de Vilagarcía e exresponsable da Udyco da Policía Nacional en Galicia, que deu caza aos responsables dunha das etapas máis problemáticas da historia recente de Galicia.

Comezaremos o programa no de Pazo de Vista Real en Vilanova de Arousa e continuaremos en Vilagarcía coñecendo a faciana máis persoal de Enrique León, o policía que detivo a Sito Miñanco e que nos contará de primeira man como foi aquela loita contra os narcos galegos.

O programa, producido por Ézaro Films, emitirase este domingo na Televisión de Galicia (TVG) ás 00.10 horas.

Hoxe con Manquiña

En “Hoxe con Manquiña” teremos a oportunidade de continuar a coñecer a faciana máis íntima e persoal dos nosos galegos e galegas máis famosos e recoñecidos. Neste novo espazo de Televisión de Galicia, ademais de indagar nos aspectos menos coñecidos dos nosos convidados, teremos tamén a ocasión de descubrir o seu punto de vista sobre fitos do pasado que viviron en primeira persoa e, como non, tamén da actualidade.

Ademais achegarémonos á xente da rúa para tratar de averiguar o que saben sobre os nosos convidados e contaremos cunha sección sorpresa para o entrevistado na que recibirán unha mensaxe de alguén moi especial e querido para cada un deles.