Mañá Sábado as 17.00 horas no Multiusos das pozas terá lugar o V Festival solidario das xuventudes socialistas de Mos, a organización di sentirse satisfeita por chegar a V edición deste festival que naceu co obxetivo de poder aportar un gran de area a aquelas entidades que fan unha gran labor no concello. Comezaron axudando a ASODIFISI na súa primeira edición pasando polo banco de alimentos de Mos, elfos e calcetíns e a asociación contra o cancro de Mos.

Na súa V edición queren axudar a COGAMI co seu proxecto de vivenda tutelada en Mos na súa sede no concello en Puxeiros, a cal arrancou o pasado luns cos 5 primeiros usuarios. Alejandro Figueroa secretario xeral das xuventudes socialistas de Mos estivo visitando as instalacións ese mesmo Luns onde xunto co presidente de COGAMI Anxo Antón Queiruga firmaron o compromiso de doazón do festival. Figueroa manifesta que cando falou ca organización e lle expuxeron este proxecto que a entidade xa tiña moi avanzada, sentiuse plenamente satisfeito de poder axudar en esta vivenda que vai ter unha labor moi importante para todas as rapazas e rapaces que son usuarias do centro, van aprender moito máis convivindo cos seus compañeiros en un proxecto pioneiro en Galicia o cal espero sirva de exemplo.

Xuventudes socialistas de Mos quere volver por en valor a variedade musical e artística do concello da man da solidariedade para lograr unha maior igualdade entre todas e todos, esta edición contaran coas actuacións do teatro de Celado “Éche o que hai”, varios grupos de música tradicional coma “Amieiro” de Chan do Bosque, “Pes na Rúa” de Pereiras “As Zaragateiras” do centro cultural As Pedriñas de Tameiga, o grupo de Playback do circulo cultural Abrente e o grupo “Argonat Band” da Escola de música de Torroso.