Nunha visita as instalacións os populares aseguran que “comprobaron de primeira man as pésimas condicións en que se atopan estas instalacións municipais, imposibilitando o normal desenvolvemento da actividade da Asociación Veciñal e Cultural San Rosen-do Alba”.

O Partido Popular do Porriño mostra o seu “malestar” e a súa “preocupación polo estado en que se atopa o que debese ser un dos pulmóns culturais e social da parroquia de Torneiros, o Centro Cultural e Social Alba”.  

Os populares aseguran que puideron “comprobar as pésimas condicións en que se ato-pan estas instalacións municipais, con humidades e  desconchones que se poden apre-ciar a primeira ollada, nunha visita realizada ao centro” na que estiveron  acompañados o presidente da  AVV San Rosendo Alba, Juan Carlos Otero, e outros membros da directiva da asociación.

"A primeira vista se ve que a humidade está deteriorando as paredes, os enchufes están estropeados, os extintores caducados fai tempo co risco que isto supón, as ventás que non pechan, os desagües atascados... a imaxe de deterioro que da o edificio xustifica sobradamente a indignación dos seus usuarios", explicou Alejandro Lorenzo.

Aseguran  que “ao ambiente húmido e frío que se respira en todas as instalacións súma-se que non dispoñen de calefacción de ningún tipo nin auga quente. Ademais, a maior parte dos electrodomésticos dos que dispón a cafetería están estropeados e o mobiliario en malas condicións e totalmente obsoleto. O salón de actos non dispón tan sequera de sillas, moitas delas están rotas e non contan nin cun proxector”.

Outro dos puntos preocupantes e que chamou a atención dos populares “é a biblioteca, que actualmente fai as veces de trasteiro ao non dispor practicamente de libros nen ordenadores para uso dos usuarios. No centro, non se dispón de conexión a internet pese a telo solicitado en innumerables ocasións”.

“O exterior non se atopa moito mellor” denuncian dende o PP, “falta alumbrado, o pe-che do recinto está roto, o riego automático non funciona e os elementos do parque infantil están deteriorados poñendo en risco aos cativos. As pistas deportivas aledañas ao Centro Cultural non permiten a práctica deportiva debido ao pésimo estado no que se atopan”.

"A situación destas instalacións imposibilita totalmente o normal desenvolvemento da actividade da asociación, non dispoñen de espazos onde levar a cabo as súas actividades ou actos culturais". Para os populares “é a habitual deixadez do Concello neste caso a que limita seriamente a capacidade de actuación desta asociación cultural. A inversión local nestas instalacións, cuxo mantemento é competencia do Concello do Porriño, é nula e nos últimos anos nada se fixo para frenar este deterioro” aseguran nun comunicado.