Así, despois da introdución do trío de modelos naked CB1000 R,  CB300 R e CB125 R en 2018, Fonda incorpora agora o seu exclusivo look ‘Neo Sports Café’ ao terreo das peso medio coa nova  CB650 R. A ‘linguaxe’ do seu estilo é moderno e minimalista, e mestura inspiracións café racer cunhas formas súper-compactas para conseguir un efecto espectacular. O motor de catro cilindros en liña queda totalmente exposto, e o característico faro redondo e o depósito de gasolina escultural realzan o deseño da familia ‘Neo Sports Café’. Xunto cunha estética premium ofrece tamén unhas especificacións superiores: pinza investida Showa de 41mm de ‘Función Separada’, pinzas de freo dianteiro de catro pistones e ancoraxe radial, Control de Par Seleccionable Honda (HSTC), embrague asistido/ antibloqueo e un moderno cadro de instrumentos. O resultado é unha espectacular naked de peso medio cunha exclusiva combinación de estética impresionante, grandes prestacións e especificacións de primeira liña. A nova CB650 R, que conta cun PVP de 7.990 euros, xa está dispoñible cunha oferta de lanzamento de 7.650 euros.

Outro novo nome na gama Honda é a deportiva de peso medio  CBR650 R. Incorpora un novo estilo derivado claramente da  CBR1000 RR Fireblade para as súas afiadas e agresivas liñas e as súas carenados laterais prolongados, ademais dunha sección traseira súper recortada e estreito faro dobre de LED. A CBR650 R é 6kg máis lixeira que a CBR650 F (á que substitúe) cunha posición de condución máis deportiva grazas aos semimanillares reposicionados 30mm máis adiantados e os repousapés máis altos e atrasados. Do mesmo xeito que a CB650 R, o seu clásico motor Honda de catro cilindros en liña sobe 1.000 rpm máis arriba, producindo un 5% máis de potencia máxima, garantindo que – xunto coa súa escultural estética e o seu parte ciclo refinada – a nova designación ‘R’ da máquina está ben xustificada. O prezo da CBR650 R será de 9.100 euros e estará dispoñible a finais de febreiro.