Citroën perpetúa 100 anos de innovación e de audacia ao servizo da liberdade de movemento presentando no Salón de Xenebra 2019 o Ami One Concept, un obxecto  disruptivo, 100 % eléctrico, que pon o dixital no centro dunha nova experiencia de mobilidade urbana máis libre e serena.

Desde 1919, a historia de Citroën foi sempre reflexo da súa época con vehículos inconformistas e revolucionarios que se converteron en iconas para os automobilistas. Con motivo do Salón de Xenebra 2019, a marca se reinventa e desvela en primicia a súa aproximación á mobilidade urbana. Así, e como o puido ser na súa época os 2 CV, que deu liberdade de movemento a un maior número de persoas, Ami One Concept libera a mobilidade urbana para todos co seu carácter único, popular, propoñendo unha nova experiencia.

Con este obxecto de mobilidade urbana único, novo terreo de exploración de Citroën na contorna da súa transición enerxética, a marca busca liderar a mobilidade individual en cidade. Citroën imaxinou Ami One  Concept como unha alternativa aos transportes colectivos (bus, tranvía, metro) e aos outros medios de transporte individuais que son os de 2/3 rodas (bicicleta, scooter ou patinete). Concept de 2 prazas ultracompacto (2,50 m) que permite aos seus ocupantes que buscan mobilidade desprazarse cunha gran axilidade na cidade, o Ami One Concept tamén suxire robustez pola súa morfoloxía. O seu habitáculo pechado permite estar protexido en caso de mal tempo. A súa arquitectura e o seu deseño, ambos os guiados pola función e o uso, permiten explotar unha nova experiencia de condución. Accesible para  todxs desde os 16 anos (media nos países europeos / segundo lexislación), Ami One Concept diríxese a unha clientela urbana que pode ter ou non permiso de conducir e que comparte coa marca o mesmo amor pola liberdade de movemento.