Dende o Rexistro Xeral do Concello de Mos infórmase de que os electores mosenses xa poden consultar si se atopan no Censo Electoral con motivo das vindeiras Eleccións ás Cortes Xerais do 28 de abril de 2019.

Deste xeito ponse a disposición dos veciños do Concello de Mos, o servizo de consulta das listas do Censo Electoral vixentes que poden ser consultadas dende hoxe mesmo, luns día 11, ata o 18 de marzo.

A consulta realizarase mediante medios informáticos e para acceder aos seus datos, os/as interesados/as poderán facelo no departamento do Padrón de habitantes do Concello de Mos (ventanilla de Rexistro Xeal na Casa Consistorial), previa identificación do interesado a través do DNI, pasaporte ou permiso de conducir, en horario de luns a venres de 9.00 a 14.00 horas.