Camilo Grandal, presidente da Comunidade de Montes de  Torroso, informou que a empresa concesionaria que  xestiona na actualidade a cafetería do Centro Dotacional de  Torroso deixará  de prestar servizo o próximo día 1 de agosto.

A nova deuna a coñecer, o pasado domingo 3 de marzo, durante a celebración dunha Asemblea Xeral Ordinaria que tivo lugar na parroquia mosense.

Por este motivo, dende a directiva, sinalan que están a preparar un “proceso de selección de  xente que  queira  coller a cafetería”. Para iso redactarán unhas bases que serán enviadas aos comuneiros para que opten de forma preferente a xestionar o local ou, en caso de non haber comuneiros interesados, recorrer a “ xente  allea que cumpra  cos requisitos”.

O local está ubicado dentro das instalación do Centro Dotacional de Torroso e dispón dun amplio horario de apertura, dando servizo a más de 350 persoas entre alumnos e profesores da Escola de Música ademáis dos actos programados no auditorio que contan con gran afluencia de público.