Con motivo do 133 aniversario da inauguración da vella Ponte Internacional a Eurocidade Tui-Valença organiza unha exposición do artista Puskas, que amosará a súa obra de xeito simultáneo no Arquivo Municipal de Valença e na Área Panorámica de Tui.

A inauguración foi o pasado  venres, 22 de marzo, un acto no que actuaba a cantante galega Andrea Pousa. A continuación tiña lugar a inauguración das exposicións nas que Puskas amosará a súa obra na que plasma diferentes elementos da Eurocidade coma as súas paisaxes, monumentos, santos…  As exposición poderán visitarse ata o 30 de marzo.

José de Barros, Puskas, é un pintor contemporáneo natural de Monçao. Autodidacta na súa formación mestura varias correntes artísticas na súa obra, que conta cun selo persoal.