As e os socialistas de Pontevedra presentaron hoxe ante a cidadanía e ante a Xunta Electoral Provincial as súas candidaturas ao Congreso e ao Senado para as eleccións do próximo 28 de abril. Unha proposta na que o 48% dos candidatos son mulleres. “Presentamos unhas listas que conxugan xuventude e experiencia”, asegurou Regades esta mañá en Vigo.

“Estas listas son o resultado dun proceso de diálogo e consenso”, afirmou o secretario xeral, “tal e como demostra que foran aprobadas por unanimidade no comité provincial celebrado a principios deste mes”. Regades mostrouse confiando ante as próximas citas coas urnas, mostrándose seguro de que con esta candidatura “acadaremos os nosos obxectivos: os tres senadores e volver a ter tres deputados no Congreso para afianzar a vitoria do PSOE e as políticas de Pedro Sánchez, que son a saída que este país precisa”.

A presentación desta mañá contou coa presenza dos integrantes de ambas candidaturas: 5 homes e 5 mulleres na lista do Congreso, encabezado por unha muller, Olga Alonso, e 5 homes e 4 mulleres para o Senado nunha candidatura á fronte da que se sitúa Modesto Pose.

En total son 9 mulleres e 10 homes entre titulares e suplentes, que reflicten a diversidade da cidadanía e do territorio. David Regades, secretario xeral provincial, defendeu o papel que estas mulleres e homes van a realizar nas Cortes Xerais, “cóbado con cóbado co goberno de Pedro Sánchez” para defender “os intereses da provincia de Pontevedra”.

 

Tanto a cabeza de cartel ao Congreso, Olga Rodríguez, como no Senado, Modesto Pose, son persoas con unha ampla experiencia política e profesional

 

Regades tamén destacou que as candidaturas socialistas ás Cortes Xerais están integradas por persoas cunha basta experiencia no mundo local como son Olga Alonso, Jorge María ou Iolanda Pérez e outras que acumulan unha ampla experiencia nas Cortes Xerais como son Modesto Pose, Guillermo Meijón ou Ángeles Marra.  Xunta a elas intégranse outras que compoñen por primeira vez unha lista de carácter estatal como é o caso de Sara Juncal, Olga Rodríguez ou Jorge María, que se complementan con referentes do partido como Margarita Adrio ou Daniel Chenlo.

A cidade de Vigo aporta seis mulleres e homes ás listas
Vigo é a cidade que máis persoas aporta ás listas ás Cortes Xerais, en total seis persoas, entre as que se inclúen a cabeza de lista ao Congreso, Olga Alonso. “Para min é unha honra que as compañeiras e compañeiros confíen en min para liderar esta candidatura”, asegura quen ata agora é edil de Educación na cidade olívica.

Alonso é profesora de primaria, e leva máis de 20 anos afiliada ao sindicato UGT, formando parte da súa Executiva desde fai 2002 e converténdose na primeira secretaria xeral da historia de UGT Vigo.

Xunto a ela aparecen nas listas á Cámara Baixa Ángeles Marra, tamén concelleira na cidade portuaria, no número tres; e Miguel Ferreiroa, terceiro suplente da lista. Tres tamén son os representantes vigueses nas listas ao Senado: José López Bouzas, Begoña Aldao Matilla e Antonio Vázquez Vázquez.

Redondela e Mos completan as listas
Dúas vilas da comarca de Vigo incorporan militantes ás listas. É o caso de Redondela e Mos, que achegan unha persoa cada unha ás listas do Congreso e o Senado, respectivamente.

No primeiro caso será Olga Rodríguez quen formará parte da lista como quinta; desde Mos, Alejandro Rodríguez, responsable provincial das Xuventudes Socialistas, exercerá como segundo suplente de Margarita Adrio.