Sete alumnas e alumnos de centros pontevedreses participan nas Olimpíadas de FP

Outra estudante tomará parte nas demostracións

Un total de sete alumnas e alumnos de centros educativos pontevedreses compiten dende onte nas olimpíadas nacionais de FP, Spainskills 2019, que se celebran no IFEMA de Madrid. En total a nosa Comunidade participa nun total de 26 das 31 skills en competición.

Cómpre sinalar que ademais destes participantes na competición oficial, unha alumna do CIFP Carlos Oroza, Paula Domínguez Muradás, tomará parte na demostración que se realizará nas Spainskills na modalidade de Recepción Hoteleira. Así mesmo, unha profesora do CIFP Carlos Oroza, Mª Pilar Novelle González, participa nestas olimpíadas como expertos no xurado das competicións por skills.

A relación de participantes de centros da provincia nas skills é a seguinte:

COMPETICIÓN	CENTRO PARTICIPANTE	ALUMNO	TITOR
Carpintaría	IES Salvaterra de Miño (Salvaterra de Miño)	Jonathan Jose Alfaya Araujo	José Luis González Álvarez
Xardinaría paisaxística	IES Montecelo (Pontevedra)	Alberto Martínez Garrido Adrián Darriba Bello	Eliseo Castro Iglesias
CNC Fresado	IES Politécnico de Vigo (Vigo)	David Ucha Pérez	Javier Fondevila Blanco
Peiteado	IES Frei Martín Sarmiento (Pontevedra)	Irene Galbán Rodríguez	Ana Mª Varela Pena
Estética	IES Frei Martín Sarmiento (Pontevedra)	Laura Abilleira Castro	Mª Antonieta Fernández Justo
Servizo de restaurante e bar	CIFP Manuel Antonio (Vigo)	Andrés Salgueiro Troitiño	José Ramón Garrido Cousillas

O obxectivo das olimpíadas de FP é amosar a capacitación dos estudantes destas ensinanzas nun escaparate que sirve como lugar de encontro de institucións e empresas.

As Spainskills celébranse cada dous anos e conta con representación de todas as comunidades autónomas. Os gañadores de medalla de ouro nesta competición representarán a España en Worldskills Kazan 2019 (Rusia) e en Euroskills Graz 2020 (Alemaña).