O presidente Mariano Rajoy arroupará en Mos a Ana Pastor no multitudinario xantar dos populares do Baixo Miño e Louriña. Así o anunciaron hoxe os candidatos e candidatas destas comarcas no acto de presentación que tivo lugar na sede dos populares porriñeses.

Será o vindeiro sábado día 13, ás 13:30 h. ,  en Sanguiñeda, Mos (aparcadoiro da discoteca Queen).  Os interesados en asistir poden recoller a súa entrada nas sedes locais do PP no Porriño, Mos, Salceda, Tui, Oia, Tomiño, A Guarda ou O Rosa. O prezo do menú é de 15 euros por persoa.

Os candidatos e candidatas ás alcaldías da comarca- Alejandro Lorenzo polo Porriño, Nidia Arévalo por Mos, Santiago Rodríguez por Salceda, Roberto Carrero por A Guarda, Esteban González por Tomiño, María del Carmen Alonso polo Rosal, e Cristina Correa por Oia- aproveitaron a presentación para convidar aos simpatizantes e militantes a participar desta xornada.