A Sección Sindical da CUT no Grupo de Emerxencias Supramunicipal (G.E.S) leva máis dun ano denunciando "as irregularidades que se están a producir neste servizo, irregularidades que poñen en risco ás persoas traballadoras e á cidadanía sen que dende a Mancomunidade se adopten as medidas oportunas".

"A práctica habitual está a ser a de precarizar a man de obra asignando aos bombeiros funcións de condutores cando os catalogan de peóns, e así non pagar a categoría correspondente" explican.

Coma exxemplo aseguran que "hoxe 12 de abril estarán dous bombeiros de garda (1 peón e 1 capataz) con dous camións e unha pick-up todoterreo, e ambos os dous bombeiros teñen a licenza de condución tipo C caducada e sen categoría de condutores, o que impide conducir os camións" aseguran nun comunicado.

Esta situación "desvela non só que se precariza o traballo, se non tamén que se pon en risco a saúde laboral e a protección cidadá. Non é a primeira situación na que nos atopamos, nun incendio, con que non hai persoal suficiente ata o punto de que un bombeiro ten que facer a función de condución, mando e outros servizos e agardar que o axuden os veciños e veciñas" explican..

Dende a Sección Sindical da CUT demandan "que se poña fin a esta situación ou tomaremos as medidas oportunas".