O Sindicato Unificado de Policía (SUP) denunciou a desaparición do grupo de Seguridade Cidadá deste corpo en Redondela, e advertiu de que se "compromete o servizo” nesta localidade o cal será absorbido pola brigada local de seguridade cidadá. O alcalde, Javier Bas, mostrouse preocupado ao coñecer a situación exposta polo sindicato. Desde Subdelegación do Goberno aseguran que nada cambiará e que os cambios previstos redundarán nunha mellor operativa.