Os socialistas de Ponteareas foron a primeira forza política nas eleccións xerais en Ponteareas. "O PSdeG-PSOE acada así un resultado histórico na vila do Tea desaloxando ao Partido Popular da primeira posición" sinalan.

O Partido Socialista consigue así o 30,56% dos sufraxios e sumando 1.468 votos máis respecto ao 2016. Mentres, o PP perde 11,89 puntos e 1.175 votos.     Para os socialistas e"sta é unha mostra máis da confianza  que os veciños e veciñas de Ponteareas teñen no PSdeG-PSOE como un valor de progreso e futuro".

Así, Chus Garrote asegura que "a labor realizada por Pedro Sánchez nos dez meses de goberno, posibilitando a subida do Salario Mínimo ou das pensións entre outras medidas, foron clave para este magnífico resultado".

Por outra banda, a candidata á alcaldía quere "agradecer a confianza depositada no partido socialista polos veciños e veciñas das vinte e catro parroquias e moi especialmente o apoio dos veciños das parroquias de Xinzo, Areas e Arnoso". A este respecto Chus Garrote indica que "o Director Xeral de Carreteras, Javier Herrero Lizano, dependente do Ministerio de Fomento, non perdeu nin un minuto para enviar unha carta ao Concello de Ponteareas ao día seguinte das eleccións xerais ratificando o seu compromiso tanto coa variante como coas demandas de melloras da seguridade da Nacional 120" na que afirma textualmente que “en primeiro lugar, con respecto al nuevo vial de conexión entre la A-52 y la N-120 en Ponteareas, indicarle que, con fecha 2 de abril, hemos aprobado la orden de estudio para redactar el anteproyecto, y a partir de esa fecha estamos trabajando para poder contratar lo antes posible la redacción del mismo. De hecho, para ser más ágiles en esa contratación se está analizando hacerlo a través de un encargo a un medio propio del Ministerio de Fomento. En relación al proyecto de mejora de la seguridad vial en la N-120, tal y como le informé su redacción será una de las prioridades dentro del contrato de redacción de proyectos de obras de conservación en la Demarcación de Carreteras del Estado de Galicia que confiamos licitar próximamente”.

Chus Garrote asegura que "seguirá traballando ao carón dos veciños e veciñas ata conseguir a tan necesitada e demandada mellora de seguridade da Nacional 120", e engade que “será o Partido Socialista quen execute as obras de seguridade e a variante no novo goberno socialista que se poña en marcha”.